Darsi kutub

المدینۃ العلمیۃ کا تعارف

سن آغازِ المدینۃ العلمیۃ:  عاشقان رسولﷺ کی مدنی تحریک دعوت اسلامی جودنیا بھر میں امت ِدعوت کو دعوتِ اسلام، اور امتِ اجابت کو نیکی کی دعوت پیش کرنے میں مصروف عمل ہے۔اور اس عظیم کام کا تقاضہ ہے کہ یہ کام ایسے علماء اور مفتیان کرام ہی انجام دیں جو علمی وعملی، تحریری وتقریری، امور میں انتہائی قابل وباصلاحیت ہوں۔ لھذا اس بنیادی مقصدکو پانے کے لیےدعوت اسلامی نے بہت سے شعبہ جات کے ساتھ ساتھ دواہم ترین شعبے بنام"جامعات المدینہ"اور"المدینۃ العلمیۃ" قائم کیے ۔

جامعۃ المدینہ ایک خالص دینی اور علمی ادارہ (شعبہ)ہے،جس کا آغاز 1990ءسن میں ہوا،جو معاشرے میں علماء کی اہمیت اورضرورت کوسمجھتے ہوئے باصلاحیت علماء فراہم کرتاہے ۔ جامعۃ المدینہ میں عالم دین بنانے کے لیےوہی نصاب( کچھ ترمیم کے ساتھ) رائج ہے جو ہند وپاک میں "درس نظامی" کےنام سے موسوم ہے۔ جامعۃ المدینہ کے درس نظامی کےمروجہ نصاب میں تقریبااَسّی  (80) کتب مقررہیں ۔

المدینۃ العلمیہ ایک علمی وتحقیقی ادارہ (شعبہ) ہے۔ جس کا آغازسن  2000ء میں ہوا۔جس کا بنیادی مقصد اصلاح امت کے لیے ایسا تحریری مواد تیار کرنا تھا جو قرآن وحدیث کی روشنی سے منور ہونے ،صحابہ کرام رضی اللہ تعالٰی عنہم کے قول وفعل کے مدنی پھولوں سے سجا ہونے اور اسلاف کے کردار وگفتارسے معطر ومعنبرہونےکے ساتھ ساتھ  اسلامی تہذیب وتمدن کا آئینہ دار ہو۔بالخصوص امام اہلسنت فاضل بریلوی احمد رضا خان علیہ رحمۃ الرحمن کی کتب کو استفادۂ عامہ کےلیے آسان ترین شکل میں پیش کرنا تھا۔

 

            الحمد للہ جب المدینہ العلمیۃ نےاپنے اہداف کی طرف تیزی سے سفرشروع کیا تو بانی دعوت اسلامی علامہ مولانامحمد الیاس قادری نے درس نظامی کے نصاب میں مروجہ کتب کی خستہ حالی ٔکتابت وطباعت کی طرف بھی توجہ دلائی جو جدید کتابت(کمپوزنگ) رموزاوقاف(پنکچویشن)سے عاری تھیں۔ لہذا جدید دورکے طلبہ میں نصابی درسی کتب کی رغبت وقبولیت میں اضافہ کے لیےکتب کوجدید کتابت کے اصول وضوابط سے آراستہ وپیراستہ کرنے ،سرورق کو جاذب نظر بنانے اور خوبصورت مجلدکے لیے المدینہ العلمیۃ کو اس کی ذمہ داری سونپی گئی ،اور اس طرح ایک ذیلی شعبہ "شعبہ درسی کتب"نے سن 2004ءمیں کام کا آغازکیا۔

شعبہ درسی کتب نے قلیل عرصہ میں درس نظامی کے نصاب میں شامل تقریبا80 کتب میں سے 64 کتب پر مختلف  نوعیت کےکام کیےجن میں سے اکثر زیور ِطبع سے آراستہ ہوکر منظرعام پر آچکی ہیں اور تشنگان علم کی سیرابی کا باعث ہیں۔اور کچھ طباعت کے مراحل سے گزررہی ہیں۔(نوٹ : دونوں طرح کی کتب کی فہرست آخر میں ملاحظہ کیجیے۔)

کتب کے مراحل: شعبہ درسی کتب سے کوئی کتاب زیور طباع سے آراستہ ہونے میں مندرجہ ذیل مراحل سے گزرتی ہے۔

i۔  کتاب پر کام کی نوعیت کا فیصلہ۔ مثلا: حاشیہ لکھنا ، شرح لکھنا، تسہیل کرنا، مستقل کوئی کتاب لکھنا، کسی کتاب کو جدید تدریسی تقاضوں کے مطابق مصور وملون کرنا وغیرہ۔ حواشی قدیمہ میں ضروری اضافات مفیدہ لگانا۔

ii۔  کام کی نوعیت کا فیصلہ ہونے کے بعدمثلا : اگر حاشیہ نگاری ہو تو کتاب کے مختلف نسخوں سے تقابل کے بعد کسی ایک نسخہ کو معیار بنانا۔اور اس کے مطابق کمپوزنگ کرنا۔  

 

iii۔ کمپوزنگ کے بعد اصل نسخہ سے تقابل کرنا۔

iv۔ متن پر مختلف حواشی اور شروحات کی مدد سے حاشیہ نگاری کرنا۔

v۔آیات اوراحادیث مبارکہ و عبارات کتب کی تخریج کرنا۔

vi۔جدید حاشیہ کی از اول تا آخر تفتیش کرنا۔

vii۔تین مختلف علماء کرام کا مختلف انداز سے پورے کام کا جائزہ لینا۔

ایڈٹنگ اور فائنل فارمیشن کرنا

viii۔ای پی ایس فائل تیار کرنا

ix۔کورل ڈرا (Coral Draw)پر ملوّن ومصوّر اور جاذب نظر باڈراورسرِورق بنانا۔

کورل ڈرا کے بعد کتاب کی ڈمی تیار کرنا

x۔پرنٹنگ کے لیے فلم فائل تیار کرنا۔

شائع کرنے کے لئے پریس پر بھیجنا

xi۔پرنٹنگ کےبعد مکتبۃ المدینہ پر خرید وفروخت کے لیے پیش کرنا۔

یہاں مطبوعہ اور غیر مطبوعہ کتب کی فہرست لگانی ہے۔

فہرست درسی کتب  (المدينة العلمية) 08-12-2017